لێژنەی پەیوەندییەکان و ڕەوەندی کوردستانی لە پەرلەمانی كوردستان، لە ڕاگەیاندراوێكدا پێشوازی لە بڕیاری پەرلەمانی ئەڵمانیا بۆ درێژکردنەوەی ماوەی هێزەکانیان لە هەرێمی كوردستان و عێراق دەكات و ئەو هەڵوێستە بەرز دەنرخێنێ.

ئەمڕۆ شەممە 31/10/2020، لێژنەی پەیوەندییەکان و ڕەوەندی کوردستانی لە پەرلەمانی كوردستان، لە ڕاگەیاندراوێكدا، بڕیاری پەرلەمانی ئەڵمانیای فیدڕاڵ بۆ درێژکردنەوەی ماوەی هێزەکانیان لە عێڕاق و هەرێمی کوردستان تا ساڵی 2022 بەرز نرخاند و بە "بڕیارێکی بەرپرسانە" ناویان برد.

لیژنەكە، دووپاتی دەكاتەوە، كە ئەڵمانیا وەک یەکێک لە وڵاتانی هاوپەیمان لە دژی داعش، لە ساڵانی ڕابردوو تا ئێستا ڕۆڵێکی مەزنی بینیوە لە شەڕی دژی داعش و مەشقپێکردن و ڕێکخستنەوەی هێزەکانی پێشمەرگە، لەو سۆنگەیەوە پێشوازی گەرم لەو بڕیارە دەکەین.












باسنيوز