به‌ڕێوه‌به‌رایه‌تیی پۆلیسى دارستان و ژینگه‌ى پارێزگاى سلێمانى، له‌ ڕاگه‌یاندراوێكدا ئاماژه‌ به‌وه‌ ده‌دات، له‌ گوندى (مێرگەپان)ى سه‌ر به‌ ناحیه‌ى سورداش له‌ قه‌زاى دووكان، دوو كه‌س ده‌ستگیر كران.

ئه‌مڕۆ پێنجشه‌ممه‌ 29/10/2020، به‌ڕێوه‌به‌رایه‌تیی پۆلیسى دارستان و ژینگه‌ى پارێزگاى سلێمانى، ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "مەفرەزەیەکی بنکەی پۆلیسی دارستانی مێرگەپان دەستیان بە کێوماڵکردنی سنوورەکەیان كرد، لە ئەنجامدا توانییان دوو كه‌س دەستگیر بکەن، کە سەرقاڵی بیرلێدان بوون، هەروەها دەستیان بەسەر ئامێرێکی بیرهەڵکەندندا گرت".

باس له‌وه‌ش كراوه‌: "پاشان هه‌ر له‌لایه‌ن بنكه‌ى پۆلیسی دارستانی مێرگەپان، پەڕاوی لێکۆڵینەوە بۆ تۆمەتباران ڕێک خرا و بۆ وەرگرتنی ڕێکاری یاسایی، ڕادەستی دادوەر کرا".












باسنيوز