گوتەبێژی بەرێوەبەرایەتی هاتوچۆی پارێزگای هەولێر ئاشکرایکرد کە مەفرەزەکانی هاتوچۆ دەستیان بە جێبەجێکردنی بەیانی ژمارە 25یی وەزارەتی ناوخۆ کرد، كه‌ تایبه‌ته‌ به‌ رێنماییه‌كانی ته‌ندروستی و خۆپارێزی له‌ ڤایرۆسی كۆرۆنا.

فازڵ حاجی، گوتەبێژی هاتوچۆی هەولێر لە هەژماری فەرمی خۆی لە تۆڕی کۆمەڵایەتیی (فەیسبووک) بڵاویکردەوە: "ئەمرۆ مەفرەزەکانی هاتوچۆی ناوشار دەست بەکاربوون بۆجێبەجێکردنی بەیانی ژمارە 25ی ساڵی 2020ی وەزارەتی ناوخۆ کە تایبەتە بەرێنماییە تەندروستییەکان و خۆپارێزی لە ڤایرۆسی کۆرۆنا و ئەو کەسانەشی کەپابەندی بەستانی دەمامک نەبوون و سەرنشینیان لەگەڵ بوو، و شوفێریان دەکرد بەبری 50 هەزار دینار سزادران".

گوتەبێژی هاتوچۆی هەولێر داوا لە هاووڵاتییان دەکات خۆیان وسەروماڵیان بپارێزن بەبەستانی ماسکێک کەنرخەکەی 50 دینارە و هەروەها سزایەکەش 50 هەزار دینارە، لە کاتێکدا دەمامکەکە پارێزراویشتان دەکات.













باسنيوز