به‌ڕێوه‌به‌رایه‌تیی پۆلیسى پارێزگاى هه‌ولێر، له‌ ڕاگه‌یاندراوێكدا ئاماژه‌ به‌وه‌ ده‌دات، كه‌سێك به‌هۆى ئه‌وه‌ى به‌ ئۆتۆمبێله‌كه‌ى خه‌ڵكى هه‌راسان ده‌كرد، ده‌ستگیر كرا.

ئه‌مڕۆ چوارشه‌ممه‌ 28/10/2020، به‌ڕێوه‌به‌رایه‌تیی پۆلیسى پارێزگاى هه‌ولێر، ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "بەشی پۆلیسی فریاكەوتن كه‌سێكیان بە ناوی (ە، س، م) دەستگیر كرد، كە بە ئۆتۆمبێلێكی جۆری (دۆج)، خەڵكی هەراسان دەكرد و سەرپێچیی یاساكانی هاتوچۆی دەكرد".

پۆلیسى هه‌ولێر ئه‌وه‌شى خستووه‌ته‌ ڕوو: "دواتر ئۆتۆمبێلەكەی دەستی بەسەردا گیرا و رادەستی پۆلیسی هاتوچۆ كرا".













باسنيوز