پەرلەمانی کوردستان کۆ دەبێتەوە و دوو پێشنیازەیاسا و سێ تەوەر تاوتوێ دەکات.

بڕیارە کاتژمێر 2ـی دوای نیوەڕۆی ئەمڕۆ سێشەممە 27-10-2020 پەرلەمانی کوردستان دانیشتنی ئاسایی ژمارە 9ـی ئاساییی خولی پایزه‌ی ساڵی دووه‌م له خولی پێنجه‌می هه‌ڵبژاردنی خۆی، ساز بکات.

تەوەر و بابەتەکانی دانیشتنی ئەمڕۆی پەرلەمانی کوردستان:

یه‌كه‌م/

خوێندنه‌وه‌ی یه‌كه‌م بۆ ئه‌م دوو پێشنیازه‌یاسایه‌:

ـ پاراستنی تۆڕو بنچینه‌كانی ئاوو ئاوه‌ڕۆ له‌هه‌رێمی كوردستان-عێراق.

ـ به‌رێوه‌بردن و پاراستنی ئاو له‌هه‌رێمی كوردستان-عێراق.

دووه‌م/

دانانی ئه‌ندامی په‌رله‌مان عومەر عەبدوڵڵا فەتاح له‌ لێژنه‌ی دارایی و كاروباری ئابووری.

سێیه‌م/

گفتوگۆی پرساندن و وه‌ڵامه‌كانی (سه‌رۆكی ئه‌نجوومه‌نی وه‌زیران) و (جێگری سه‌رۆكی ئه‌نجوومه‌نی وه‌زیران) و (وه‌زیری دارایی و ئابووری).










باسنيوز