به‌رپرسێ هۆبا نه‌خوشیێن ڤه‌گر ل رێڤه‌به‌ریا كارۆبارێن خوه‌ پاراستنا ساخله‌میا دهۆكێ دیاركركو هه‌تا نۆكه‌ كاودانێن ساخله‌میێ ل دهۆكێ دبن كۆنترۆلێ دایه‌. ئه‌ڤ حاله‌تێن كۆرۆنایێ یێن دهۆك دهێنه‌ تۆماركرن پتریا وان ژ مووسل و به‌غدا و پارێزگه‌هێن دێ هاتینه‌ دهۆكێ.

د. سه‌گڤان حه‌سه‌ن عه‌لى به‌رپرسێ هۆبا نه‌خوشیێن ڤه‌گر ل رێڤه‌به‌ریا كارۆبارێن خوه‌ پاراستنا ساخله‌میا دهۆكێ دیاركركو: "هه‌تا نۆكه‌ كاودانێن ساخله‌میێ ل دهۆكێ باشن دبن كۆنترۆلێ دایه.‌ هێشتا ژبن كۆنترۆلێ ده‌رنه‌چوویه‌ رۆژانە پشكنینێن كۆرۆنایێ یێن دهێنه‌ ئه‌نجامدان كو مه‌ترسیا كۆرۆنایێ هه‌یه‌ بتایبه‌تى ژى نۆكه‌ كو به‌لاڤبوونا ڤایرۆسێ كۆرۆنایێ هه‌كه‌ ب ڤێ ره‌نگێ بیت وه‌سا بله‌ز به‌لاڤ ببیت وخه‌لك نه‌یێ هه‌ڤكار بیت بێگومان دێ ل دهۆكێ ژى كاودان تیك چن".

خۆیا ژى كركو: "زۆر یا گرنگه‌ وه‌لاتی به‌رده‌وام بن لسه‌ر بجه ئینانا رێنمایێن ساخله‌میێ داكو كاودانێن ساخله‌میێ ل دهۆكێ هه‌ر وه‌سا باش بمینن".

هه‌تا نۆكه‌ ل پارێزگه‌ها دهۆكێ زێده‌تر ژ 321 تووشبوویێن كۆرۆنایێ یێن هاتینه‌ تۆماركرن ژوانا ژى هه‌تا نۆكه‌ 243 تووشبوو یێن هاتینه‌ چاره‌سه‌ركرن. نۆكه‌ 78 تووشبوو ناڤ نه‌خۆشخانێ دا ماینه‌.













باسنيوز