پۆلیسێن دهۆكێ: خودانێ گرانترین ترۆمبێل هاتنه دهستهسهركرن
هێمن سلێمان، پهیڤدارێ رێڤهبهریا گشتى یا پۆلیسێن پارێزگهها دهۆكێ د داخویانیهكێ دا دیاركرن: "ئهم بهردهوامین د ئهركێ خو دا و قهدهغهیا هاتن و چوونێ هێشتا بهردهوامه، رۆژانه ئهم ل ههمى زالگههێن خو یێن ناڤا باژێرى و ژ دهرڤهى باژێرى پێرابوونان بهرامبهر وان كهسان ئهنجام ددهین، ئهوێن سهرپێچیان ئهنجام ددهن".
ھێمن سلێمان گۆت: "هژمارهكا گهنجان بهردهوام سهرپێچیان ئهنجام ددهن و پتر ژ (100) گهنجان هاتینه دهستهسهركرن، كو ئهو ههمو ئهون یێن سهرپێچى ئهنجام داین و چهندین جاران هاتنه ئاگههداركرن ژلایێ پۆلیسێن مه ڤه، لێ ههر پابهندى رێنمایان نهبوونه و هند ههنه د دهستهسهركرى نه و هند ههنه هاتنه ئازاد كرن".
وی ئفسەری تهكهزى ل سهر وێ چهندێ ژى كر: "ئهم وهكه پۆلیس جوداهیێ د ناڤبهرا چ كهسێ ئهنجام نادهین و هژمارهكا كهسان هاتنه دهستهسهر كرن، كو خودانێن ترۆمبێلێن گهلهك ب نرخن و د ههمان دهم دا ترۆمبێلێن وان ژى هاتنه دهستهسهركرن، چونكه گهلهك كهسان دیار كریه كو ئهم پۆلیس تنێ ههژاران دهستهسهر دكهین لێ دهستهسهركرنا خودانێن گرانترین ترۆمبێل ل دهۆكێ دیار دكهت كو چ جوداهى د ناڤبهرا چ كهسان دا ژلایێ مه ڤه ناهێته كرن و دیتن، لهورا خهلكێ خو پشت راست دكهین ههر كهسهكێ سهرپێچیهكێ ئهنجام بدهت، چ كهس بیت و كى بیت، بێ دوو دلى دێ هێته دهستهسهركرن".
باسنيوز
