به‌ڕێوه‌به‌رى گشتیی ته‌ندروستیی سلێمانى ئاماژه‌ به‌وه‌ ده‌دات، زیاتر پابه‌ندى ڕێنوێنییه‌ ته‌ندروستییه‌كان بن و ده‌ڵێت: "قۆناغێکی باشمان لە ڕووبەڕووبوونەوەی ڤایرۆسی کۆرۆنا بڕیوە".

ئه‌مڕۆ پێنجشه‌ممه‌ 19/3/2020، د. سه‌باح هه‌ورامى، به‌ڕێوه‌به‌رى گشتیی ته‌ندروستیی سلێمانى، له‌ پێگه‌ى تایبه‌تیی خۆى، له‌ تۆڕى كۆمه‌ڵایه‌تیی (فه‌یسبووك)، نووسیویه‌تى: "سوپاس بۆ خوا تا ئێستا قۆناغێکی باشمان لە ڕووبەڕووبوونەوەی ڤایرۆسی کۆرۆنا بڕیوە، تکاتان لێ دەکەم لە ماڵەکانتان بمێننەوە و پابەندی زیاتری ڕێنوێنییه‌ تەندروستییەکان بن".

ده‌شڵێت: "دەزانم بەشێکی زۆر لە کاسبکاران و هاووڵاتییان بە گشتی، باری داراییان بەهۆی ئەم ڕێنوێنییانه‌وه‌ ڕوو لە خراپییە، داوای لێبوردنتان لێ دەکەم، بەڵام تەندروستیتان لە سەروو هەموو شتێکەوەیە، هیوام سەلامەتیتانە".





باسنيوز