پشتی کو دوھی روژا دووشەمبی، گەنجەکێ کوردێ ئێزدی د رویبارێ دیجلە دا ل سنورێ خانکێ سەر ب پارێزگەھا دھۆکێ ڤە خەندقی، بو دەمێ نێزیکی (٢٤) دەمژمێراندا تیمێن لێگەریانێ ل تەرمێ وی د گەریا و سپێدەھیا ئەڤرو رۆژا سێ شەمبی تەرمێ وی ژ رویباری ھات دەرێخستن.

مقدم بێوار عەبدۆلعەزیز پەیڤدارێ بەرەڤانیا باژێری ل دھۆکێ بو باسنیوز دا دیار کرن: "دوھی رۆژا دوو شەمبی پەیوەندی ب تیمێن مە ھاتبو کرن کو رویدانەکا خەندقینێ ل رویبارێ دیجلە ل سنورێ(خانکێ) سەر ب پارێزگەھا دھۆکێ ڤە ھە یە و تیمێن مە بو دەمێ نێزیکی (٢٤) دەمژمێران ل تەرمی وی کەسی دگەریان".

ھەمان پەیڤداری بو گوت ژی: "ئەو گەنجە کوردێ ئێزدییە و دژیێ (٢٨) سالیێ دا یە و خەلکێ قەزا شنگالێ بو و ل ناڤا کەمپا خانکێ یێ نیشتەجێ بو و خودان پیشەیێ(ماموستا) بو دوھی د رویدانەکا خەندقینێ ل ناڤا رویبارێ دیجلە دا گیانێ خو ژ دەست دایە و تیمێن مە دگەل تیمێن قەزا سێمێلێ شیان بو دەمێ نێزیکی(٢٤) دەمژمێران دا تەرمێ وی ژ ئاڤا رویبارێ دیجلە دەربێخن و بو نۆژداریا داد ل دھۆکێ رەوانە بکەن".











باسنيوز