دانیشتوانی گوندی (دوو گۆمان)ی سەر بە شارۆچکەی پشدەر، 140 ئاژەڵیان کرده‌ قوربانیی سەدەقەى دووربوون لە ڤایرۆسی کۆرۆنا، گۆشتەکەیان بەسەر دانیشتوانى گوندەکە دابەش کرد.

نەبی محەمەد شێخە، دانیشتووی گونده‌كه‌یه‌ و ڕايگەیاند: "ئه‌مڕۆ دووشه‌ممه‌ 7/3/2020، دانیشتوانی گوندەکەمان بۆ دووروبوون لە ڤایۆرسی کۆرۆنا، 140 سەر ئاژەڵیان کرد بە قوربانیی سەدەقەی نەمانی ڤایۆرسی کۆرۆنا، بۆ ئەوەی گەلی کورد و سه‌رجه‌م موسڵمانان لەو ڤایرۆسە پارێزراو بن، چونکە خێر و سەدەقە یەکێکە لە بنەما سەرەکییەکانی ئایینیی پیرۆزی ئیسلام، بێگومان خوای گەورە لەکاتی ھەموو نەخۆشییەکدا خێر و سەدەقەی موسڵمانان بەھەند وەردەگرێت".

گوتیشی: "گۆشته‌كه‌ هه‌زار و 750 كیلۆگرام بووه‌، تەواوی گۆشتەکەش بەسەر دانیشتوانی گوندەکەمان دابەش کرا".

ئه‌و دانیشتووه‌ى گونده‌كه‌ ئاماژەی بەوەش کرد: "لەکاتی سەربڕینی ئاژەڵەکاندا ڕەچاوی تەندروستی کراوە، چونکە پێشتر شارەوانیمان ئاگادار کردووەتەوە، پاشەڕۆی ئاژەڵەکانیان لابردووە، بۆ ئەوەی نەبێتە ھۆکاری بڵاوبوونەوەی نەخۆشی".









باسنيوز