بەهۆی بڵاوبوونەوەی ڤایرۆسی کۆرۆنا لە ئێران، دوو دەروازەی باشووری کوردستان بە رووی ئەو وڵاتە، بە تەواوی داخران.

ئەمڕۆ چوارشەممە 4-3-2-2020، لیوا روکن حامد شەمەری، فەرماندەی پۆلیسی دیالە لە پرێس کۆنفرانسێکدا رایگەیاند، هەردوو دەروازەی سنووری مونزەری لەخانەقین و مەندەلی لە نزیک شارەدێی مەندەلی، بە تەواوی داخران.

لیوا روکن حامد شەمەری ئاماژەی بەوەش کرد، کە ئەو دوو دەروازەیە بەڕووی ئێران لەسەر داوای فەرمانگەی تەندروستیی دیالە و بەهۆی بڵاوبوونەوەی ڤایرۆسی کۆرنا لە ئێران، داخراون.

مەندەلی و خانەقین دوو ناوچەی باشووری کوردستانن، کە دەکەونە ناوچە کوردستانییەکانی دەرەوەی ئیدارەی هەرێمی کوردستان.

بەپێی دوایین ئامار، تا ئێستا لە ئێران دوو هەزار و 922 کەس تووشی ڤایرۆسی کۆرۆنا بوون و لەو ژمارەیەش، 92 کەسیان گیانیان لەدەست داوە.












باسنيوز