ئەو فراکسیۆنانەی لە پێکھێنانی کابینەی نۆیەمیان پێک ھێناوە، رێک کەوتوون کە بە ھاوبەشی پرۆژە و پێشنیاز پێشکەش بکەن بۆ ئەم مەبەستەش ژوورێکی ھاوبەش پێک دەھێنن.

ئومێد خۆشناو، سەرۆکی فراکسیۆنی پارتی دیموکراتی کوردستان لەمبارەوە راگەیاند: "فراکسیۆنەکانی پەرلەمانی کوردستان، ئەوانەی بەشداری کابینەی نۆیەمیان کردووە، پێکەوە رێک کەوتوون کە بۆ ئەم وەرزەی یاسادانان بە ھاوبەشی پێکەوە پرۆژە پێشکەش بکەن".

گوتیشی: "بەم نزیکانە ئەندامانی ئەو ژووروە پێک دەھێنرێن کە فراکسیۆنەکان پێکەوە پرۆژە پێشکەش دەکەن".

ئەو ھەوڵە بۆ ئەوەیە ئەو پرۆژانەی لە بەرژەوەندیی گشتیدان و گرنگن، بە ھاوبەشی تێیان پەڕێنن، بەتایبەت ئەو پرۆژانەی لە حکوومەتی ھەرێمی کوردستانەوە دەنێردرێنە پەرلەمان".







باسنیوز