کونسوڵی گشتیی کۆماری تورکیا لە هەولێر بەڵێنێک بە هەرێمی کوردستان دەدات.

هاکان کەرەجای، کونسوڵی تورکیا لە هەولێر، رایگەیاندووە، بڕیاری راگرتنی پەیوەندییە ئاسمانی و زەمینییەکان ب عێراق و هەرێمی کوردستان لەلایەن وڵاتەکەیەوە، هەوڵێکە بۆ رێگرتن لە بڵاوبوونەوەی ڤایرۆسی کۆرۆنا.

هاکا کەرەجای لە میانی کۆبوونەوەیەکی لەگەڵ کەمال موسلیم، وەزیری بازرگانی و پیشەسازیی حکوومەتی هەرێمی کوردستان، بەڵێنی داوە راگرتنی پەیوەندییەکان ناردنی خواردن و پیداویستییە پزیشکییەکان بۆ هەرێمی کوردستان، نەگرێتەوە.

بەهۆی بڵاوبوونەوەی ڤایرۆسی کۆرۆنا لە عێراق، رۆژی شەممەی رابردوو، حکوومەتی تورکیا پەیوەندییە ئاسمانی و زەمینییەکانی لەگەڵ عێراق و هەرێمی کوردستان راگرت.

تا ئێستا 15 کەس لە کەرکووک و عێراق تووشی ڤایرۆسی کۆرۆنا بوون و چوار کەسیش لە شاری سلێمانی تووشی ئەو ڤایرۆسە بوون، کە سەرجەمیان لە ئێران گەڕاونەتەوە و لەوێ تووشی بوون.







باسنیوز