جەهوەر عەلی، قایمقامێ قەزا دهوكێ دیار كر كو هەر جهەكێ سەرپیچی بكەت ودووڤ رێنمایان كارنەكەت دهێتە سزادان. ئەڤ كۆگەهە هاتیە سزادان ژی هیچ رێنمایێن ساخلەمیێ تێدا نەبوون و مۆلەتا كۆگەهێ نەبوویە، هەورەسا نێزیكی 4 تەنێن كەرەستێن خوارنێ ژ برنج و شەربەت ئێكسپایرو دەم سەرڤەچووی تێدا هاتنەدەستەسەركرن كو برنجێ ئیكسپایر دناڤ هندەك كیسێن نوو دهاتە كرن و دەمێ بەرهەم ئینانێ و ئێكسپایەرێ لسەر هاتیە دانان و ب ئامێرەكێ دهاتنە قەپات كرن وب نیاز بوو ڤی برنجی د بازارێ دا فروشیت.
ژبەر ڤێ سەختەكاری ئەڤ جه بۆ دادگەهێ هاتە رەوانەكرن".
خۆیا ژی كر كو: "ئەڤ كۆگەه دوهی هاتیە گرتن وبەردەوام لێژنێن دوڤچوونێ سەرا بازارێ دەن بۆ هندەك بازار بهێتە كۆنترولكرن و كەرەستێن خراب ناڤ بازارێ دا نەهێنە فرۆتن. هەر جهەكێ سەرپیچی د ماوە و مێژوویا كەرەستان دا بكەت پێرابوونێن توند دگەلدا دهێنە وەرگرتن".
باسنيوز
