لە وەرزی پێشووی یاساداناندا پەرلەمان خوێندنەوەی یەکەمی بۆ پێشنیازی یاسای بەقاچاخبردنی نەوت کرد و لیژنەی یاساییش سەرقاڵی ئامادەکردنی راپۆرتی کۆتاییە بۆ خوێندنەوەی دووەم.

لە کۆبوونەوەی دوێنێی لیژنەی یاسایی پەرلەمانی کوردستاندا گفتگۆ لەبارەی ئامادەکردنی راپۆرتی کۆتایی لەسەر پێشنیازی یاساکە کرا و بڕیارە بۆ خوێندنەوەی دووەم راپۆرتەکە ئاراستەی دەستەی سەرۆکایەتیی پەرلەمانی کوردستان بکرێت و لە وەرزی داھاتوودا پەسەند بکرێت.

ناوەرۆکی پێشنیازە یاساییەکەش باس لە رێگری لە بە قاچاخبردنی نەوت و پێکھاتەکانی دەکات و تێیدا ھاتووە گواستنەوەی ھەموو جۆرە سووتەمەنییەک بە تەنکەر قەدەخەیە و ئەگەر رەزامەندیی ئەنجوومەنی وەزیرانی لەسەر نەبێت.

بەپێی ئەم پێشنیازە یاساییە ھێزەکانی پێشمەرگە و ئاسایش جێبەجێکاری ئەم یاسایە دەبن.

سزاکانی ئەم یاسایە زۆر توندن و ھەر ئامێرێکیش لە کاتی بە قاچاخبردنی نەوتدا دەستی بەسەردا بگیرێت، نادرێتەوە بە خاوەنەکەی.







باسنیوز