دهۆك.. هاریكاریێن رێكخراوێن بیانی ل سەر ئاوارە و پەنابەران ل كێمیێ داینە
سالم سەعید، بەرپرسێ راگەهاندنا بۆردێ كارۆبارێن مرۆڤایەتی ل پارێزگەها دهۆكێ راگەهاند، ژ بەر كێمبوونا هاریكاریێن رێكخراوێن بیانی و نێڤدەولەتی ل سەر ئاوارە و پەنابەرێن ل كەمپێن دهۆكێ، حكوومەتا هەرێما كوردستانێ ب رێیا گارگێریا پارێزگەها دهۆكێ ئەڤ ئەركە ب ستوویێ خۆڤە گرتیە و هەموو بزاڤان دكەت هەموو پێدڤیێن وان دابین بكەت.
ئاشكرا ژی كر كو لاوازبوونا هاریكاریێن رێكخراوێن بیانی بۆ هندێ ڤەدگەریت دەمێ پارێزگەها نەینەوا ژ دەستێن داعش هاتیە رزگاركرن، پتریا رێكخراوان بەرەڤ وێرێ چوون.
ل سالا 2016، عەبادی سەرۆك وەزیرێ بەرێ یێ حكوومەتا عیراقا فیدرال بریارەك دەركر بۆ هندێ هەموو رێكخراوێن بیانی خوە ژ هەرێما كوردستانێ ب ڤەكێشن و بەرەڤ عیراقێ بچن، بۆ هندێ فشار ل سەر حكومەتا هەرێما كوردستانێ پەیداببیت و ئاوارە ب ڤەگەرنە سەر مال و مۆلكێن خوە، بەلێ ئەڤ بریارە نەیوو ئەگەرێ ڤەگەریانا ئاوارەیان و هێشتا هەتا نها ژی زێدەتر ژ 500 هزار ئاوارەیان ل سنوورێ پارێزگەها دهۆكێ د ئاكنجی نە.
باسنیوز
