به‌ڕێوه‌به‌رایه‌تیی گشتیی نه‌هێشتنى مادده‌ هۆشبه‌ره‌كان له‌ ڕاگه‌یاندراوێكدا ئاماژه‌ به‌وه‌ ده‌دات، گرووپێكی پێنج كه‌سی به‌ 30 كیلۆ گرام مادده‌ی هۆشبه‌ره‌وه‌ له‌لایه‌ن ئاسایشی زاخۆوه‌ ده‌ستگیر كران.

ئه‌مڕۆ شه‌ممه‌ 15/2/2020، ‎به‌ڕێوه‌به‌رایه‌تیی گشتیی نه‌هێشتنى مادده‌ هۆشبه‌ره‌كان، ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "‎شه‌وی پێنجشه‌ممه‌ له‌سه‌ر هه‌ینیی ڕابردوو، دوای كۆكردنه‌وه‌ی زانیاری و به‌دواداچوون، گرووپێكى پێنج كه‌سى ده‌ستگیر كران و توانرا 30 كیلۆگرام مادده‌ی هۆشبه‌ر له‌ سه‌نته‌ری شاری دهۆك ده‌ستی به‌سه‌ردا بگیرێت".

باس له‌وه‌ش كراوه‌: "‎به‌ هه‌ماهه‌نگیی ئاسایشی زاخۆ و ئاسایشی دهۆك، توانرا هه‌ر پێنج كه‌سه‌كه‌ ده‌ستگیر كران".

له‌ ڕاگه‌یاندراوه‌كه‌دا ئه‌وه‌ش خراوه‌ته‌ ڕوو، سێ له‌وانه‌ خه‌ڵكی ناوچه‌كه‌ن و یه‌كێكیان دانیشتووی کەمپی مه‌خمووره‌.










باسنيوز