لە پەراوێزی دووەمین ڕۆژی کۆنفرانسی میونشن، سەرۆکی حکوومەتی هەرێمی کوردستان پێشوازی لە شاندێکی پەرلەمانی ئەڵمانیا كرد

ئەمڕۆ شەممە 2020/2/15 مەسرور بارزانی، سەرۆکی حکوومەتی هەرێمی کوردستان پێشوازی لە شاندێکی پەرلەمانی ئەڵمانیا كرد، کە پێکهاتبوون لە پەرلەمانتاران نیل شمید و کارستن شنایدەرو فیختز فەیگنترۆی لە پارتی سۆشیال دیموکراتی ئەڵمانیا.

لە کۆبوونەوەکەدا پەرلەمانتارانی ئەڵمانیا ئاماژەیان بە رۆڵی گرنگی هەرێمی کوردستان دا وەک فاکتەری سەقامگیریی لە عێراق و ناوچەکەدا، جەختیان لە گرنگیی بەردەوامبوونی هاوکاری و ڕاهێنانی هێزی پێشمەرگە کردەوە لە ڕووبەڕووبوونەوەی داعشدا.

سەرۆکی حکوومەتی هەرێمی کوردستان سوپاسی هاوکارییەکانی ئەڵمانیای بۆ هەرێمی کوردستان و بەتایبەتی پێشمەرگە کرد، ھەروەھا باسی کارنامەی کابینەی نۆیەمی حکوومەتی هەرێمی کوردستانی کرد بە تایبەتی لە هەمەچەشنکردنی ئابووریی و سەرچاوەکانی داهات و گرنگیدانی زیاتر بە وەبەرهێنان بەپێی پێداویستییەکانی هەرێمی کوردستان.












باسنيوز