بەرپرسێ‌ لێژنا ناوچا پارتی ل ناحیا بۆرك ل قەزا شنگال دیار كر كو حەشدا شەعبی دەست ب شیعەكرنا شنگال كریە و نۆكە دوو مەزارگەهێن شیعەیان ل شنگال ئاڤا كرینە و یێن ئیزدیان هاتینە پشتگوه هاڤیتن.

هادی سفۆكا، بەرپرسێ‌ لێژنا ناوچا پارتی ل ناحیا بۆرك ل قەزا شنگال دیار كر كو هەكە رەوشا شنگال وەسا مەترسیدار بمینت دێ‌ رۆژەك هێت ئێزدی ب هیچ رەنگەكێ‌ نەشێن بچنە شنگال، دێ‌ هەموو كەڤتە دەستێ شیعەیان دا. هەر نۆكە حەشدا شەعبی پلانا شیعەكرنا شنگال بجه دئینت و دەست ب ئاڤاكرنا مەزارگەهێن شیعەیان كریە دناڤ شنگالێ‌ دا و ب دەهان مەزارگەهێن ئێزدیان ل شنگال هاتینە خرابكرن و پەقاندن ژلایێ‌ درندێن تیرۆرستێن داعش ڤە. هەتا نۆكە مەزارگەهێن ئێزدیان نەهاتینە ئاڤاكرن لێ‌ مەزارگەهێن شیعەیان هاتینە ئاڤاكرن".

خۆیا ژی كر كو رەفتارێن حەشدا شەعبی زۆر خەلك شنگال بێزاركرینە. ژبەر رەفتارێن خراب یێن حەشدی، ئێزدی نۆكە نەشێن بچنە شنگال وهەموو هەولا حەشدی ل شنگال ئەوە چیایێ شنگال بۆ مەرەمێن خوە بێخنە بن دەستێ خوە دا، ئەڤە ژی پلانەكا گەلەك مەترسیدارە ل شنگال دهێتە بجه ئینان".

ل دووڤ ئامارێن رێڤەبەریا گشتی یێ‌ كاروبارێن ئێزدیان ل وەزارتا ئەوقاف وكاروبارێن ئاینی، ل هەرێما كوردستانێ‌ 68 مەزارگەهێن ئێزدیان ژلایێ‌ تیرۆرستێن داعش ڤە هاتینە پەقاندن.












باسنيوز