ئەمڕۆ چوارشەممە سەرۆك مەسعود بارزانی لە سەڵاحەدین پێشوازی لە ماسیۆ توولێر باڵوێزی ئەمەریكا لە عێراق و شاندێكی یاوەری كرد.

لە دیدارەكەدا بارودۆخی سیاسی و دواپێشهاتەكانی ناوچەكە تاوتوێ كرا.

هەروەها ڕۆشنایی خرایە سەر پڕۆسەی سیاسیی عێراق و ڕاسپاردنی سەرۆكوەزیرانی نوێی عێراق، جەختیش لەسەر چارەسەركردنی كێشەكان و بەدەنگەوە هاتنی داواكاریی خۆپیشاندەران و سەقامگیریی عێراق كرایەوە.

لە بەشێكی تری ئەو كۆبوونەوەیەدا بیروڕا لەبارەی ئاییندەی گەلی كورد لە سووریا ئالوگۆڕ كرا و باڵوێزی ئەمەریكا لە عێراق ڕۆڵی سەرۆك بارزانی لە نزیككردنەوەی لایەنە كوردییەكانی سووریا بەرز نرخاند.

هەر لەو دانیشتنەدا جەخت لە پەرەپێدانی پەیوەندییەكانی هەرێمی كوردستان و ئەمەریكا و هەماهەنگیی بەردەوامی نێوانیان كرایەوە.











باسنيوز