ئەمڕۆ دووشەممە وەزارەتی پلاندانی حکوومەتی هەرێمی کوردستان و نوێنەری نەتەوە یەکگرتووەکان بۆ بەرنامە و پەرەپیدان، پلانی ستراتیژیی ١٠ ساڵەی واژۆ کرا و ئەو ڕێکخراوەش یارمەتیی هەرێمی کوردستان دەکات.

لە ڕاگەیەندراوێکدا کە ڕێکخراوێ "بەرنامەی نەتەوە یەکگرتووەکان بۆ پەرەپیدان (UNDP) لەمبارەوە بڵاوی کردووەتەوە هاتووە: "یاداشتى لێکتێگەیشتنەکە چوارچێوەیەکى کار بۆ بەرەوپێشچوونى هەماهەنگى و جێبەجێکردن و چاودێریکردن دەخاتە ڕوو بەرەو بەدیهاتنى ئامانجەکانى پەرەسەندنى بەردەوام لە هەریمى کوردستاندا وەک بەشێک لە هەوڵێکى بەرفراوانتر لە بەدەستهێنانى ئامانجەکانى پەرەسەندنى بەردەوام لە عێراقدا، هەروەها جەخت لەسەر بەهێزکردنى تواناى دامەزراوەیى و هەڵسەنگاندنى لایەنە پەیوەندیدارەکان و چارەسەرکردنى بەربەستەکانى گواستنەوە لە قۆناغى قەیرانەوە دەکات بۆ پەرەسەندنى بەردەوام".



دەقی ڕاگەیەندراوەکە:

هەرێمى کوردستانى عێراق دیدگاى خۆى بۆ ٢٠٣٠ دادەڕێژێت و لەلایەن بەرنامەى نەتەوە یەکگرتووەکان بۆ پەرەپێدانەوە پاڵپشتى دەکرێت

بەرنامەى نەوتەو یەکگرتووەکان بۆ پەرەپێدان، لەگەڵ وەزارەتى پلان دانانى حکوومەتى هەرێمى کوردستاندا بەمەبەستى پێدانى ڕێنوینى ستراتیژى و پاڵپشتى تەکنیکى بەمەبەستى دارشتنى دیدگاى حکومەتى هەرێمى کوردستان بۆ ٢٠٣٠، لێکتێگەیشتنێکی واژۆ کرد. ئەو واژۆکردنە کە ل بەروارى ٣ى شوباتى ٢٠٢٠ دا ئەنجام درا جەخت لەسەر پابەرندبوونى هەرێمى کوردستان دەکاتەوە لە دەستخستنى ئامانجەکانى پەرەسەندنى بەردەوامدا.

وەزیرى پلاندانانى حکوومەتى هەرێمى کوردستان، دکتۆر دارا ڕەشید محەمەد، گوتى: “هاوڵاتیانى هەرێمى کوردستانى عێراقە لە چەند ساڵى ڕابردوودا نەهامەتى زۆریان چەشتووە. ئێمە دڵنیاین کە هاوبەشییەکەمان لەگەڵ بەرنامەى نەتەوە یەکگرتووەکان بۆ پەرەپێدان کەرەستەى پێویستمان دەخاتە بەردەست بۆ هینانەدى پەرەسەندنى بەردەوام بەشێوەیەک کە ڕەنگانەوەى چاوەڕوانییەکانى هاوڵاتیانمان بێت”.

نوێنەرى بەرنامەى نەتەوە یەکگرتووەکان بۆ پەرەپێدان لە عیراقدا، خاتو زینە عەلى ئەحمەد، گوتى: “ئەجینداى جیهانى ٢٠٣٠ بۆ پەرەسەندنى بەردەوام جەخت لەسەر ئەوە دەکاتەوە کە نابێت کەس پشتگوێ بخرێت. ئەمەش ڕێک ئەو شتەیە کە لەڕێگەى ئەم هاوبەشییە بەرفراوانەمان لەگەل هەریمى کوردستانى عێراقدا کار بۆ بەدیهێنانى دەکەین لە عێراقد. بەردى بناغەى ئەم کارە لە میانى ئەو هەماهەنگییەى پێشوترمان و پشتیوانیمان بۆ دیدگاى حکومەتى هەرێمى دستاندا دامەزراوە. تەنها لەڕێگەى پەرەسەندنى بەردەوامەوە هەرێمەکە و عێراق ئاشتى و دادوەرى بەردەوام بەخۆیەوە دەبینێت.”

یاداشتى لێکتێگەیشتنەکە چوارچێوەیەکى کار بۆ بەرەوپێشچوونى هەماهەنگى و جێبەجێکردن و چاودێریکردن دەخاتەڕوو بەرەو بەدیهاتنى ئامانجەکانى پەرەسەندنى بەردەوام لە هەریمى کوردستاندا وەک بەشێک لە هەوڵێکى بەرفراوانتر لە بەدەستهێنانى ئامانجەکانى پەرەسەندنى بەردەوام لە عێراقدا. هەروەها جەخت لەسەر بەهێزکردنى تواناى دامەزراوەیى و هەڵسەنگاندنى لایەنە پەیوەندیدارەکان و چارەسەرکردنى بەربەستەکانى گواستنەوە لە قۆناغى قەیرانەوە بۆ پەرەسەندنى بەردەوام.

دیدگاى ٢٠٣٠ لەگەڵ پرۆگرامى تازەى حکومەت بۆ ٢٠١٩-٢٠٢٣، بۆ بەدەمەوەهاتنى پێشینەکانى چاکسازى و گەیاندنى خزمەتگوزارى و ئازادییەکان دیموکراسى و پێکەوەژیان و ئابوورى و دارایى و ئەوانىتردا هاوتەریب دەکرێت.











باسنيوز