سیروان محەمەد، گوتەبێژی کارەبای سلێمانی ڕايگەیاند: "دوو پڕۆژەکە بریتین لە ھێڵێکی ١٣٢ کەی ڤی بۆ بەستنەوەی وێستگەی غازی بازیان بە وێستگەی ١٣٢ کەی ڤی چەمچەماڵەوە، ئەوی دیکە ھێڵێکی ١٣٢ کەی ڤی بە درێژیی ٤٦ کیلۆمەتر کە بەشێکی لە وێستگەی غازی بازیان بەرەو تاسڵوجە دەبێت و بەشەکەی تریشی دەکەوێتە خۆرھەڵاتی سلێمانی".

گوتیشی: "جێبەجێکردنی ئەو دوو پڕۆژەیە ھاوکارێکی باش دەبێت بۆ بەرزکردنەوی توانای ھێڵەکانی گواستنەوەی وزەی کارەبا و باشتربوونی دۆخی کارەبا لە سنوورەکە".

بە گوتەی سیروان محەمەد بڕیارە لە داھاتوویەکی نزیکدا دوو ھێڵی ستراتیژی ١٣٢ کەی ڤی لە نێوان وێستگەی گواستنەوەی وزەی تاسڵووجە – چوارقوڕنە و سلێمانی- سەید سادق جێبەجێ دەکرێت کە ڕۆڵیان لە باشترکردنی دۆخی کارەبای ئەو سنوورانەدا دەبێت.













باسنيوز