سەرۆكێ‌ باژێرڤانیا ناحیا باعەدرێ ل قەزا شێخان دیاركركو ئەڤرۆ 19/1/2020 دێ‌ دووماهی زانیاری لسەر ماستەر پلانا بەرفرەهكرنا ناحیا باعەدرێ هێنە گەنگەشەكرن، پێخەمەت پتر خزمەتكرنا وەلاتیان.

ئەیوب فەرمان، سەرۆكێ‌ باژێرڤانیا ناحیا باعەدرێ ل قەزا شێخاندیاركركو ژبەر نەبوونا نەخشە و ماستەر پلانێ‌ چەندین خانیێن ناحیا باعەدرێ ل قەزا شێخان نەهاتینە تاپۆكرن. ئەڤرۆكە دێ‌ دووماهی زانیاری لسەر ماستەر پلانا باعەدرێ دگەل رێڤەبەریا نەخشەدانا دهۆكێ‌ هێنە گەنگەشەكرن، بۆ وێ چەندێ‌ ماستەر پلانا باعەدرێ بۆ وەزارەتێ بهێتە رەوانەكرن داكو بهێتە پەسەندكرن. هەردەمێ‌ ماستەر پلانا باعەدرێ و شێخان و بامەرنێ ئەڤە پێكڤە هاتینە گرێدان، هاتە پەسەندكرن دێ‌ پتر خزمەتا وەلاتیان هێتە كرن، ئەو خانیێن نە تاپۆكری دهێنە تاپۆكرن".

خۆیا ژی كر كو: "ماستەر پلانا بۆ ماوێ 25 سالان هاتیە دانان بۆ ناحیا باعەدرێ. ل گۆری ماستەر پلانێ ژی چەندین پرۆژەیێن نوو و گرنگ دێ‌ ل باعەدرێ هێتە ئەنجامدان، دێ‌ زێدەتر خزمەتا وەلاتیان هێتە كرن. هەموو بیاڤەكێ‌ دا دێ‌ چەندین باغچە و قوتابخانە و خزمەتێن دی‌ هێنە ئەنجامدان ل دەڤەرێ".












باسنیوز