ل شنگال عەرەبێن داعش هەول ددەن گۆرێن بكۆم نەهێنە ڤەكرن
خەیری زیبان، ئەندامێ جڤاتا قەزا شنگال دیار كر: "عەرەبێن بووینە داعش و هەڤكاریا تیرۆرستێن داعش كرین بۆ ئەنجامدانا تاوانا دژی كوردێن ئێزدی ل شنگال هاتیە ئەنجامدان ب سەدان وەلاتیێن سڤیل كوشتن دناڤ گۆرێن بكۆمدا بن ئاخكرن، نۆكە ئەو عەرەب یێن زڤرینە دەڤەرێ بۆ ڤەشارتنا تاوانێن خوە ژی تەقە ل تیمێن گۆرێن بكۆم دكەن. وان عەرەبان نەڤێت تاوانێن وان ئاشكرا بن هەموو هەولدانان دكەن تاوانێن خوە ڤەشێرن داكو خوە ژ یاسایێ قورتال بكەن".
خویا ژی كر: "تیرۆرستێن داعش دناڤ پتر ژ 73 گۆرێن بكۆمدا خەلكێ شنگال گولەبارانكرینە، گەلەك ژ داعشا ژی هەر خەلكێ دەڤەرا شنگال بوون نها یێ زڤرینە دەڤەرێ. ئەم داخوازێ دكەین هێزەكا هەڤپێشك ژ پێشمەرگەهێ كوردستانێ و سوپایێ عێراقێ ڤەگەرتە شنگال داكو ریگریێ ل وان عەرەبان بكەن ونەهێلن عەرەب تاوانێن خوە بەرزە بكەن".
باسنيوز
