سعودیە هێرشە ئاسمانییەکانی بۆ سەر پێگەکانی حوسییەکان لە یەمەن چڕتر دەکاتەوە
دوای زیادبوونی هێرشی مووشەکی و فڕۆکەی بێفڕۆکەوانی حوسییەکان، هێزی ئاسمانی عەرەبستان پێگەکانی ئەو گرووپەی لە چەند ناوچەیەکی یەمەن کردە ئامانج.
بەگوێرەی ئاژانسی ڕۆیتەرز، لە چەند ڕۆژی ڕابردوودا ئاڵوگۆڕی هێرشەکانی نێوان سعودیە و حوسییەکان چڕتر بووەتەوە و فڕۆکە جەنگییەکانی سعودیە چەند جارێک پێگەکانی ئەو گروپەیان بۆردومانکردووە.
ئەم هێرشانە دوای شەپۆلێکی نوێی هێرشی مووشەکی و فڕۆکەی بێفڕۆکەوان لەلایەن حوسییەکانەوە هاتە سەر خاکی سعودیە. لە چەند ڕۆژی ڕابردوودا حوسییەکان ڕایانگەیاندووە کە ئامانجەکانیان لە ڕیاز و چەند شار و دامەزراوەیەکی دیکەی سعودیە کردۆتە ئامانج و هەروەها بەرپرسانی سعودیە ڕایانگەیاندووە کە ژمارەیەک مووشەک و فڕۆکەی بێفڕۆکەوان ڕێگرییان لێکراووە.
گوڵان: سەردار خەلیل
