دوو جارا لسەر ئێك فرۆكێن توركیا سنورێ ئاكرێ بۆردوومان كرن
نەجیم محیە دین ، موختارێ گوندێ باكرمان ل دەڤەرا ئاكرێ راگەهاند : گوندێ باكرمان ب دووریا 15 كلم دكەڤیتە روژ ئاڤا سەنتەرێ قەزا ئاكرێ، دكەڤیتە دەڤەرەكا چیایی و لسەر دەمێ شورەشێ ژی پێشمەرگە لێ بووینەو وەك سنورەك گرنگ بوویە ،نۆكە ژی پەكەكە ل وان دەڤەرا بەلاڤبوویە سەرەرای كو پەكەكە ل سنورێ گوندی دا نینە ،بەلێ چەندین جارە فرۆكێن شەركەرێن توركیا وێ دەڤەرێ بۆردووماندكەن ب بهانەیا هەبوونا بنگەو بارەگەهێن پەكەكێ ل وێرێ. ئەڤسالە بۆ جارا دویێ یە دەردورێن گوندی بۆردووماندكەت. ئەڤرۆ دوجارا بۆردوومانكریە كو ب تنێ دوو كلم ل ناڤا گوندی و هاوولاتیا دورە.
گۆتژی : ئەو جهێ كو ئەڤرۆ دوجارا فرۆكێن توركیا بۆردوومانكری رەزو باغێن هاوولاتیێن گوندی لێ هەنە و پاوانێ ئاژەلداریا گوندە. رۆژانە ئاژەلدار ل وێرێ كارێ خوەیێ ئاژەلداریێ دكەن بەلێ ئەڤرۆ ژ ئەگەرێ بۆردوومانێ چو زیانێن گیانی نەبووینە ب تنێ زیان بەر پاوانێ گوندی و رەزو باغا كەفتیە ،بەلێ نێزیك گوندی بوویە ب دوو كیلومەترا و ڤێ چەندێ ژی ترس و نەئارامی ل ناڤ خەلكێ گوندی دروستكریە ژبەركو گوند هژیایە ل دەمێ بۆردوومانكرنێ ، چو پەكەكە ل وان جها نەبووینە. ئەوێن فرۆكا بۆردوومانكرنی و مە چو پەكەكە ل وان جها ژی نەدیتینە ،ئەگەر ئەڤ بۆردوومانە بەردەوام بیت هاوولاتی نەشێن بچە چیای كو وەرزێ كۆمكرنا بەرهەمێن بوهاری یەو ژیانا هاوولاتیا لسەر وی گژوگیایی یە .
باسنيوز
