راگەھاندنا پارتى، ب سەرکەفتیانە شهرێ دژى تیرۆرێ کرە بابەتەكێ جیھانی
کوردستان ب گشتى دهەبوونا خودا دشهریدا بوویە و تا ئەڤرۆ، بەلێ ل 22/4/1898ێ ئێکەم رۆژنامەیا کوردى ل جیهانێ بەلاڤ بوو، ژبەر هندێ ئەڤ رۆژە بوویە رۆژا رۆژنامەگەریا کوردی. لدۆر رۆلێ میدیا کوردى، ئیسماعیل تاهر جانگیر، رێڤهبهرێ پهرتوكخانا بهدرخانیان ل دهۆكێ بۆ مالپەرێ فەرمیێ پارتى دیموکراتى کوردستان گۆت:" حیزبێن سیاسى ل وهلاتێن دیموکراتى پشکهکا گرنگن ژجڤاکى و ب رێکێن یاسایى وسندوقێن دهنگدانێ دبنه نوونهرێن مللهتێن خو، ژبەر ڤێ ئێکێ رۆلێ وان دههر وارهکیدا رۆلهکێ رهوایه ودشێن رێبهریێ بکهن ب گۆرهیى ئهنجامێن ههلبژارتنان، کوردستان ژى وهک وهلات ژ حیزبێن سیاسى مشته وئهڤ رۆله دهێته گێڕان. دئهنجامدا بزاڤێن میدیا حیزبى یا کوردستانێ بۆیه پشکهکا خهباتا سیاسى یا مللهتێ کورد وئهو رۆل دوارێن جوداجودادا گێڕایه و ئێک ژوان ژى جهنگه".
ئیسماعیل تاهر خویاکر:" ل ڤان سالێن دوماهیێ مللهتێ کورد تووشى چهندین شهرێن مهترسیدار بوویه ومیدیا حیزبى پشکهک بویه ژ بهرگیریا مللهتێ خو و شیایه رۆلهکێ مهزن دپاراستنا ههبوونا مللهتى و نههێلانا مهترسیێن ل سهر بکهت، نهخاسم د شهرێ دژى تیرۆرا داعشێ دا "2014 – 2017"ێ و ههمى شیان ئێخستینه دخزمهتا پاراستنا مللهتێ کورد دا و مل بملێ پێشمهرگهیى دسهنگهرێ بهرسینک گرتنێ دا خهبات کریه وهزرا ڕهشا تیرۆرێ فهێت و شهرمزارکریه ومافێن ڕهوایێن ژیانا ساده وپیرۆزێ مللهتێ خو پاراستینه، راگههاندنا حیزبى ههمى ئهو پرهنسیپ ب کارئیناینه یێن میدیا ئازاد وسهربخۆ و پیشهکار ب کارئیناین وهندهک جاران بوویه ژێدهرێ دانا پێزانین ونمره وداتا وئهرشیف و وێنهیێ وان شهرێن خرابکار دژى خواست وهیڤیێن مللهتى".
رێڤهبهرێ پهرتوكخانا بهدرخانیان ل دهۆكێ بهحسکر، ل کوردستانێ و ژبهرکو هێزێن پێشمهرگهیى راستهوخو گرێدایى وهزارهتا پێشمهرگه وچێکریێن حیزبێن سیاسییه میدیا حیزبى شیا رۆلێ خو دوهرگرتنا پێزانینێ دا بکهت وپاش وان پێزانین و داتا بهرچاڤى سازیێن دى بکهت، رۆلێ ژ ههمیان پتر گێڕایی، ههمى رویدان وپێشهاتان داپۆشیت ونوچهیێ فهرمى پهیداکهت وبهلاڤکهت، ئهو ل سهنگهرێن پێشیێ بوون و ماندیبوون و خهبات و قوربانیدانا وان دیاره، دیسان سایت و بهرپهرێن وان وسازیێن راگههاندنێ دگههاندنا نوچهیێ شهریدا بهرچاڤن کا چهند خزمهتا وارێ میدیا جهنگى کریه، بێگۆمان یا بتنێ نهبوو، بهلکو مل بملێ دهزگههێن راگههاندنا پیشهیى وئازاد وجیهانى ڤهبوو، دئهنجامدا ئهڤ ڤالاهییا گرنگ هاته پڕکرن و وان ژى وهکى ئهرکهکێ نهتهوى ئهو ڕول ب سهرفرازى ئهنجامدا.
بەدرخان زاویتەیى، چاڤدێرێ سیاسى و یاسازان بۆ مالپەرێ فەرمیێ پارتى دیموکراتى کوردستان زەلالکر:" بگشتی راگەھاندنا کوردی د شەرێ داعشدا ببوو دوو بەش!! بەشەکێ بشێوەیهکێ دەستپێکی و بێ رێکخستن رویدانێن شەرێ داعش ڤەدگوھاستن و بەشێ دی مژیلی روخاندنا حکومەتێ و ھەرێمێ بوون و ریکلام بۆ روخاندنا ورەیا پێشمەرگەیی دکر، یا گرنگ ئەو بوو گهلهک ژ رویدان و سەرکەفتن و شکەستن وکاودانا د وی شەریدا و بشێوەکێ راستەوخو ھاتینە ڤەگوھاستن بۆ جیھانێ و خویا بوو کا پێشمەرگە شەرێ چ جورە رێکخراوا تیروریستی دکەت و چ جورە کارەسات و کۆمەلکوژی لسەر دەستێ وان رویداینە، میدیا کوردى برێیا وان راپۆرت و ڤەگوھاستنا راستەوخۆ شیان گهلهک ژ وەلاتان بیننە سەرخەت بۆ پشتەڤانیکرنا پێشمەرگەیی و ھاوارھاتنا ئاوارا و لێ قەومیا".
لدور رولێ راگەھاندنا پارتی دیموکراتى کوردستان بەدرخان زاویتەیى ئاخفت:" راگەھاندنا پارتی شیا یا سەرکەفتی بیت، ب تایبەت دەمێ کاودانێن شنگالێ و کوبانێ کرینە بابەتێن جیھانی و ژ چارچوڤێ وەلاتان و ھەرێمی دەرئێخستن، هەر راگەھاندنا پارتى بۆ جیھانێ دیارکر کا بەغدا ب چ رەنگ رەفتارێ دگەل پێشمەرگەیی و ھەرێمێ و ئاوارا دکەت و بوو ئەگەر ئێدی گهلهک ژ وەلاتان راستەوخۆ ھاریکاری و چەکى بۆ ھەرێمێ رەوانکەت و فشار لسەر بەغدا کرن کەس رێگریێ ل ھەر جورە ھاریکاریەکێ نەکەت، راگەھاندن شیا خەلکێ ئارام راگرن و ورەیا وان بلند بکەت و لجھێ بێ ئومێدیێ، ببنە پالدەر و پشتەڤان بۆ پێشمەرگەیی بھەمی رەنگا و ئەڤە بوو ئەگەر کو پێشمەرگە پتر خۆڕاگر بیت و ژ بەرەڤانیێ ئێدی ھێرش برن و سەرکەفتن لدویف سەرکەفتنێ تومارکر".
د. نائیف گەرگەرى، ماموستایێ زانکۆیێ راگەهاند:" راگەهاندنا عەرەبى و ب تایبەت راگەهاندنا عێراقى رۆلەکێ نەرینى و دژایەتى هەبوو دکاودانێن شەرێ دژە تیرۆرێ دا و ب تایبەت ل دەڤەرێن دکەڤنە لژێر بەندێ 140 یێ دستورى و هەر ئەو راگەهاندن بوویە ئەگەرێ کەفتنا موسل و دەڤەرێن دیتر ددەستێ تیرۆرستێن داعشێدا، بەلێ پێشمەرگەیێ کوردستانێ ب سەرۆكاتیا سەرۆک (مەسعود بارزانى) شیان وان دەڤەرا ئازاد بکەنە ڤە".
د. نائیف گەرەگەرى پتر ئاخفت:" راگەهاندنا کوردى رۆلەکێ سەرەکى د رۆمالاشهریدا هەبوو ب شێوەکێ راستەوخو، کۆ بوویە ئەگەرێ بلندکرنا مورالا پێشمەرگەیى و خەلکێ هەرێما کوردستانێ و نزمکرنا مورالا تیرۆرستان و بتایبەت ژلایێ راگەهاندنا پارتى دیموکراتى كوردستان ڤە، کو میدیا حزبى و ب تایبەت میدیا پارتى بوو هێما سەرکەفتنى و بریاردانێ، دیسان برێیا راگەهاندنا حزبى ناڤێ پێشمەرگەیى ل جیهانێ دەنگڤەدا و بوویە هێمایەک نیڤدەولەتى پشتى رێکخراوا تیرۆریا داعشێ شکەستن لسەر دەستێ پێشمەرگەیى دیتى".
kdp-
