ل سنورێ پارێزگەها دهوك پتر ژ 250 گوندا ژبەر پەكەكێ نەهاتینە ئاڤەدانكرن
شەعبان خەلیل بەرواری ، رێڤەبەرێ ناحیا دینارتە ، راگەهاند : ل دەستپێكا مەها ئێكا ئەڤسالە هژمارەما گوندێن سنورێ ناحیا دینارتە هاتنە چولكرن و هەتانوكە خەلكێ وان گوندا نەزڤریەڤە سەر گوندێن خوە ،ل سنورێ ناحیا دینارتە 12 گوندا هاتینە چولكرن كو پرانیا وان ب مەبەستا كارێن چاندنێ و ئاژەلداریێ لسەر گوندێن خوە مابۆن بەلێ ب بهانەیا هەبۆنا بنكەو بارەگەهێن پەكەكێ فروكێن شەر كەرێن توركیا بەردەوام ئەو گوند و دەڤەر بۆ ردومانكرن و نەچاربۆن خەلكێ وان گوندا گوندێن خوە چول بكەن و ل گوندو دەڤەرێن دی ئاكنجیبن .
ئیدریس هەركی ،ئەندامێ جڤاتا پارێزگەها دهوك، گۆت : ل سنورێ پارێزگەها دهوك پتر ژ 250 گوندا نەهانینە ئاڤەدانكرن ، ل سنورێ دەڤەرا نەهلە ل سنورێ ناحیا دینارتە هژمارەك گوند ئاڤەدان نەبۆینە ئەگەرەك نەبۆنا خزمەتگوزاریا چەندین جاران ژی هاتینە بوردومانكرن ژلایێ فروكێن شەركەێن توركیا و مە وەك جڤاتا پارێزگەها دهوك داخواز كریە كو ئەوێن زیان بەركەفتی بهێتە قەرەبۆكرن ژبەركو زیان گەهشتیە بەرهەمێن وان یێن چاندنێ و ئاژەلداری .
گوتژی : ب فەرمی مە داخواز ل جێگرێ سەرۆكێ پەرلەمانێ عیراقێ كریە كو بالیوزێ توركیا ل عیراقێ بانگهێشت بكەتە پەرلەمانی كو ئەو جهێ هاولاتی و ئاڤەدانی لێ هەبیت نەهێنە بوردومانكرن و ب زمانێن كوردی و عەرەبی و توركی و ئینگلیزی ژی مە داخواز ل لایەنێن توركیا كریە كو داخوازا لێبورینێ بكە ن و ئەوێن زیان گەهشتیێ ژی قەرەبۆ بكەن ژبەركو ئەگەرێ سەرەكی هەبۆنا پەكەكێ یە ل دەڤەرێ.
باسنيوز
