ئەندامێکی سەرکردایەتیی یەکێتیی نیشتمانیی کوردستان بانگەشەی ئەوەی کرد کە بزووتنەوەی گۆڕان بەوە ڕازی بووە، پۆستی جێگری سەرۆکی هەرێمی کوردستان بە یەکێتی بدرێت و ئەم هەفتەیەش حزبەکەی لەگەڵ پارتی دیموکراتی کوردستان کۆدەبێتەوە.

ئەندامێکی سەرکردایەتیی یەکێتی کە داوای کرد ناوەکەی بڵاو نەکرێتەوە، ڕايگەیاند: ”بەگوێرەی زانیارییەکانی من، ڕێککەوتنەکان کۆتاییان ھاتووە، تەنیا لە ڕووی ڕاگەیاندنەوە زانیارییەکان بڵاونەکراونەتەوە“.

بە گوتەی سەرکردەکەی یەکێتی، ”لە نێوان گۆڕان و پارتی بۆ بابەتی جێگری دووەمی سەرۆکی ھەرێم ڕێککەوتن کراوە و گۆڕانیش قەبووڵکی کردووە کە ئەو پۆستە بدرێت بە یەکێتی“.

باسیشی لەوە کرد کە هەر لەم هەفتەیەدا پارتی دیموکراتی کوردستان و بزووتنەوەی گۆڕان کۆدەبنەوە، هەروەها پارتی و یەکێتیش کۆدەبنەوە و ”ڕێککەوتنەکەش واژۆ دەکرێت.










باسنيوز