وەزارەتی بەرگریی حکوومەتی تورکیا رایدەگەیەنێت، کە 10 سەربازی وڵاتەکەی لە شەڕی دژی پارتی کرێکارانی کوردستان (پەکەکە)، کوژران و بریندار بوون.

ئەمڕۆ شەممە 20-4-2019، وەزارەتی بەرگریی تورکیا لە بەیاننامەیەکدا رایگەیاندووە، گەریلاکانی پەکەکە هێرشیان کردووەتە سەر بنکەیەکی سەربازیی سوپا لە ناوچەی سکۆرجا لە پارێزگای جۆڵەمێرگ لە باکووری کوردستان.

بەهۆی ئەو هێرشەوە، دوو سەربازی تورکیا کوژراون و دواتریش سوپای تورکیا لەسەر سنووری نێوان باکوور و باشووری کوردستان رووبەڕووی پەکەکە بووەتەوە و لەوێش دوو سەرباز کوژراون و شەش سەربازیش بریندار بوون.










باسنيوز