په‌رله‌مانتارێكی فراكسیۆنی یه‌كێتی نیشتیمانی كوردستان رایگه‌یاند، سبه‌ی سه‌رۆكایه‌تی په‌رله‌مان و سه‌رۆك فراكسیۆنه‌كان كۆده‌بنه‌وه‌ و گوتیشی: "فراكسیۆنی یه‌كێتیش به‌شداری ده‌كات".

هاوڕێ مه‌لا سه‌تار، په‌رله‌مانتاری یه‌كێتی له‌ په‌رله‌مانی كوردستان به‌ میدیای حیزبه‌كه‌ی راگه‌یاندووه‌، سبه‌ی كۆبوونه‌وه‌ی سه‌رۆكایه‌تی په‌رله‌مان و سه‌رۆك فراكسیۆنه‌كان بۆ ده‌ستنیشانكردنی سه‌رۆك، جێگر و ئه‌ندامانی لێژنه‌ هه‌میشه‌ییه‌كان به‌ڕێوه‌ ده‌چێت.

ئاشكراشیكرد، فراكسیۆنی یه‌كێتیش له‌ رێگه‌ی نوێنه‌ری خۆیه‌وه‌ به‌شداری له‌و كۆبوونه‌وه‌یه‌دا ده‌كات.

ئه‌و په‌رله‌مانتاره‌ی یه‌كێتی گوتیشی: "فراكسیۆنی یه‌كێتی به‌شداری له‌ دانیشتنه‌كانی په‌رله‌مان ناكات و بایكۆتی كۆبوونه‌وه‌كان ده‌كات".
k24-