رێڤه‌به‌رێ گشتیى یێ شه‌هید وئه‌نفالكریان ل هه‌رێما كوردستانێ دیاركر: "ب هه‌ماهه‌نگى دناڤبه‌را حكومه‌تا هه‌رێما كوردستانێ و حكومه‌تا عێراقى ئه‌ڤرۆ 15/3/2019 ده‌ست ب گێرانا رێ وره‌سمێن ڤه‌كرنا گۆرێن بكۆم ل قه‌زا شنگال گۆندى كوجو هاته‌ كرن".

به‌ره‌ڤان حمدى، رێڤه‌به‌رێ گشتیى یێ شه‌هید وئه‌نفالكریان ل هه‌رێما كوردستانێ دیاركر: "ئه‌ڤرۆ ده‌ست بكارێ ڤه‌كرنا ئێكه‌مین گۆرى ب كۆم ل قه‌زا شنگال گۆندى كوچو هاته‌ كرن پشتى هه‌لسه‌نگاندنه‌كێ دێ هه‌تا حه‌ڤتیا بهیت ده‌ست ب ڤه‌كرنا یێن دى ژى هێته‌ كرن ب سه‌رپه‌رشتیا نه‌ته‌وه‌یێن ئێكگرتى وكارى ڤه‌كرنا گۆرێن بكۆم دێ به‌رده‌وامیى پێ هێته‌ دان نها ل گۆندى كوجو قه‌زا شنگال رێ وره‌سمێن ڤه‌كرنا ئێكه‌مین گۆرى ب كۆم دهێنه‌ گێران ودووڤدا ژى دێ یێن دى هێنه‌ ڤه‌كرن".

خدر دیرۆ خانه‌سۆرى، شیوه‌رمه‌ندى جڤاتا روحانیا ئێزدیان دیاركر: "سه‌رجه‌مى پتر ژ70 گۆرێن ب كۆم ل قه‌زا شنگال ئه‌ڤرۆ دى ده‌ست ب ڤه‌كرنا ئێكه‌مین گۆرى ب كۆم هێته‌ كرن وه‌كو نموونه‌ بۆ راپورتا نه‌ته‌وه‌یێن ئیكگرتى داكو كارى خوه‌ لسه‌ر گۆرێن بكۆم بۆ ناساندنا جینوسایدا شنگال ئه‌نجام بده‌ن مه‌ ژى وه‌كو جڤاتا روحانیى رۆل دگێرانا رێ وره‌سمێن ئاینى دایه‌ بۆ ڤه‌كرنا گۆرێن بكۆم".










باسنيوز