به‌مه‌به‌ستی پیرۆز راگرتنی ساڵیادی له‌دایكبوونی بارزانیی نه‌مر له‌شاری هه‌ڵه‌بجه‌ هه‌ڵمه‌تێكی فراوانی چاندنی نه‌مام له‌شه‌قامه‌ سه‌ره‌كییه‌كان ده‌ستی پێكرد و بڕیاره‌ چه‌ند چالاكییه‌كی دیكه‌ش ئه‌نجام بدرێت.

ئه‌مرۆ 14ی 3ی 2019، به‌ئاماده‌بوونی ژماره‌یه‌ك له‌ خه‌ڵكی شاره‌كه‌ و چالاكوانانی سیاسی به‌بۆنه‌ی له‌دایكبوونی مسته‌فا بارزانیی نه‌مر هه‌ڵمه‌تێكی فراوانی چاندنی نه‌مام له‌ شه‌قامه‌ سه‌ره‌كییه‌كانی ئه‌و شاره‌ ده‌ستی پێكرد و بڕیاره‌ چالاكییه‌كان له‌و باره‌وه‌ به‌رده‌وامی هه‌بێت و هەروەها ئاماده‌بووانی چالاكییه‌كه‌ هیوایان خواست له‌ رۆژی له‌دایكبوونی بارزانی نه‌مر ئاشته‌وایی و پێكه‌وه‌ ژیان له‌ كوردستان به‌رقه‌راربێت.

لە ڕێکەوتی 1903/3/14 و 116 ساڵ لەمەوبەر و لە ڕۆژێکی وەک ئەمڕۆدا مەلا مستەفا بارزانی، رێبەری بزاڤی رزگاریخوازی گەلی کورد لە گوندی بارزان، لەدایک بووە.









باسنيوز