سۆسه‌ن محه‌مه‌د میرخان، په‌رله‌مانتاری پارتی دیموكراتی كوردستان له‌ په‌رله‌مانی كوردستان گوتی: وه‌ك فراكسیۆنی پارتی هه‌موو هه‌وڵێك ده‌ده‌ین بۆ ئه‌وه‌ی پێش نه‌ورۆز یاسای سه‌رۆكایه‌تی هه‌رێمی كوردستان هه‌موار بكرێته‌وه‌، به‌ڵام دیار نییه‌ چۆن ده‌بێت".



گوتیشی: "تا یاسای سه‌رۆكایه‌تی هه‌رێمی کوردستان هه‌موار نه‌كرێته‌وه‌، سه‌رۆكی هه‌رێم و سه‌رۆك وه‌زیران رانه‌سپێرێن و پرۆسه‌كه‌ ناكرێت، واته‌ هه‌مواركردنه‌وه‌ی یاسای سه‌رۆكایەتیی هه‌رێم قۆناغی پێش پێكهێنانی حكوومه‌ته‌".



ئه‌وه‌شی خسته ‌روو: هه‌فته‌ی رابردووش رۆژی چوار شه‌ممه‌ كۆبوونه‌وه‌مان هه‌بوو، به‌ڵام له‌به‌ر براده‌رانی یه‌كێتی دوامان خست، به‌و نییه‌ته‌ی ئه‌وان بێنه‌ كۆبوونه‌وه،‌ به‌ڵام نه‌هاتن و ئه‌مه‌ش ئه‌وه‌ ده‌رده‌خات كه‌ ئێمه‌ له ‌سه‌رجه‌م شته‌كان دواكه‌وتووین و ئێمه‌ش مه‌به‌ستمانه‌ پرسه‌كان زوو به‌ره‌و پێشه‌وه‌ بڕۆن خه‌ڵك ماندوو بووه‌ له‌ درێژه‌كێشانی ئه‌و دۆخه‌".











باسنیوز