رێڤەبەرێ‌ نڤێسینگەها رزگاركرنا رەڤاندیێن ئێزدی دیار كر: "هەتا ئەڤرۆ 13/3/2019 بتنێ ژ باغۆز پتر ژ 50 زارۆك وژنێن كوردێن ئێزدی ژبن دەستێ رێكخراوا تیرۆرستێن داعش رزگاربووینە ".

حسێن كۆرۆ قائیدی رێڤەبەرێ‌ نڤێسینگەها رزگاركرنا رەڤاندییان یا ب سەر نڤێسینگەها سەرۆكێ‌ حكومەتا هەرێما كوردستانێ‌ دیار كر: "ئەڤ هژمارا رەڤاندیێن ئێزدی یێن ژ باغۆز رزگاربووین پتریا وان زارۆك بووینە، ژیێ‌ وان ناڤبەرا شەش سالی هەتا 17 سالی دا بووینە و هندەك ژنێن رەڤاندی یێن ئێزدی ژی ژ بن دەستێ داعش ل باغۆز رزگاربووینە. هەموو كەسێن رزگار ژی بووین یێن هاتینە دناڤ خێزان و كەس وكارێن خوە دا".



خویا ژی كر: "هەولێن مە دبەردەوامن بۆ رزگاركرنا هەموو رەڤاندییان، ژمارا گشتی یا رزگاربوویان گەهشتنە زێدەتر ژ 3370 كەسان ژ هەردوو رەگەزان وپرۆسەیا رزگاركرنێ یا بەردەوامە".










باسنیوز