کەمێک لەمەوبەر، کۆبوونەوەی هەردوو شاندی مەکتەبی سیاسیی پارتی دیموکراتی کوردستان و یەکێتیی نیشتمانیی کوردستان دەستی پێ کرد.



شاندی پارتی لە نێچیرڤان بارزانی، مەسروور بارزانی، فازڵ میرانی، دکتۆر ڕۆژ نووری شاوەیس، هۆشیار زێباری، مەحموود محەمەد، جەعفەر ئێمنکی، دڵشاد شەهاب و چەند کەسێکی دیکە پێکهاتووە.



لە بەرامبەریشدا شاندی یەکێتی لە کۆسرەت ڕەسووڵ عەلی، عومەر فەتاح، حاکم قادر حەمەجان، عیماد ئەحمەد، شۆڕش ئیسماعیل، ڕزگار عەلی، شاڵاو کۆسرەت ڕەسوول، سەعدی پیرە و چەند کەسێکی دیکە پێکهاتووە.



بەپێی زانیارییەکان لە کۆبوونەوەکەی ئەمڕۆدا پارتی و یەکێتی گفتوگۆ لەبارەی پۆستەکانی یەکێتی لە کابینەی نوێی حکوومەتی هەرێمی کوردستان دەکەن.










باسنيوز