سەرچاوەیەک لە مەکتەبی سیاسی پارتی بە کوردستان24ی راگەیاند: "ئەمڕۆ مەکتەبی سیاسی پارتی و یەکێتی بە مەبەستی یەكلا كردنەوەی پۆستەكانی یەكێتی لە کابینەی نوێی هەرێمی كوردستان لە شاری هەولێر کۆدەبنەوە".

بە گوێرەی زانیارییەکانی کوردستان24، شاندی پارتی بە سەرۆکایەتی نێچیرڤان بارزانی دەبێت و کۆسرەت رەسووڵیش سەرۆکایەتی شاندی یەکێتی دەکات.

پێشتر لە 4/3/2019 پارتی و یەکێتی لەشاری هەولێر کۆبوونەوەو رێککەوتنێکی سیاسیان بۆ پێکهێنانی کابینەی نوێ واژۆ کرد و کۆبوونەوەکەی ئەمڕۆی ئەو دوو حزبەش یەکەم کۆبوونەوەیە دوای واژۆکردنی ئەو رێککەوتنە و هاوکاتیشە لەگەڵ کۆبوونەوەی پەرلەمانی کوردستان.









K24 -