ئەمساڵ له‌ شاری هه‌ولێر فیستیڤاڵی یادەکانی ئادار و نەورۆز به‌شێوه‌یه‌كى فراوانتر لە ساڵانی ڕابردوو به‌ڕێوه‌ده‌چێت.

تاهیر عه‌بدوڵڵا، جێگرى پارێزگارى هه‌ولێر ڕايگه‌یاند: "له‌ 11/3/2019 فیستیڤاڵی ئادار و نه‌ورۆز ده‌ستپێده‌كات تاکو 20/3/2019 به‌رده‌وام ده‌بێت هاوشێوه‌ى ساڵانى ڕابردوو، به‌ڵام ئه‌مساڵ به‌ شێوه‌یه‌كى به‌رفراوانتر یادى جه‌ژنه‌كانى ئادار، ڕاپه‌رین و نه‌ورۆز ده‌كه‌ینه‌وه‌".

گوتیشى: "له‌ 11/3/2019 له‌سه‌ر قه‌ڵاى هه‌ولێر له‌ یادى ئازادكردنى هه‌ولێر ئاهه‌نگێكى فراوانى جه‌ماوه‌رى ساز ده‌كرێت فیستیڤاڵی ئادارو نه‌ورۆز ده‌ستپێده‌كات، به‌ ئاهه‌نگى نه‌ورۆز له‌ پاركى شانه‌ده‌ر له‌ 20/3/2019 كۆتایى دێت، له‌و 10 رۆژه‌دا چه‌ندین چالاكى جۆراوجۆرى وه‌ك چالاكى رۆشنبیرى، هونه‌رى، شێوه‌كارى، وه‌رزشى، كردنه‌وه‌ى پێشانگا و شانۆگه‌رى به‌به‌شدراى هونه‌رمه‌ندانى ناوخۆیى و بیانى به‌ڕێوه‌ده‌چێت".

تاهیر عه‌بدوڵڵا ئاماژه‌ى به‌وه‌شدا: ئه‌و فیستیڤاڵەی پارێزگاى هه‌ولێر به‌ هه‌ماهه‌نگى به‌ڕێوبه‌رایه‌تى ڕۆشنبیری و هونه‌رى هه‌ولێر ئه‌نجامى دەدرێت، چاوه‌ڕوان ده‌كرێت گه‌شتیارێكى زۆر سه‌ردانى بكات، هه‌وڵده‌درێت سپۆنسه‌ر بۆ ئه‌و فیستیڤاڵە دیاری بكرێت.











باسنيوز