ئه‌مڕۆ پینجشه‌ممه‌ 7/3/2019، له‌ شاری هه‌ڵه‌بجه‌، مه‌ڕاسیمی كردنه‌وه‌ی كۆمه‌ڵگه‌ی په‌روه‌ده‌یی هاوچه‌رخی هه‌ڵه‌بجه‌ به‌ڕێوه‌چوو، كه له‌لایه‌ن‌ ڕیكخراوی كۆیكای وڵاتی كۆریای باشوور، ئه‌و كۆمه‌ڵگه‌یه‌ درووستكراوە.


سۆران عومه‌ر، به‌رێوه‌به‌ری په‌روه‌ردی هه‌ڵه‌بجه‌، ڕایگه‌یاند: "ئه‌و كۆمه‌ڵگه‌یه‌ له‌ باخچه‌ی ساوایانه‌وه‌ تاکو قۆناغی 12ی ئاماده‌یی تێدایه‌، حکوومەتی كوریا به‌ شیوه‌یه‌كی خێرخوازی پیشكه‌ش به‌ منداڵانی هه‌ڵه‌بجه‌یان كرد، به‌شێوازیكی جوان و به‌ دیزاینێكی سه‌رده‌میانه‌ دروستكراوه‌ و ته‌واوی پێداویستییه‌كانی خوێندنیشی تێیدا ده‌سته‌به‌ركراوه‌".


گوتیشی: "ماوه‌ی دووساڵه‌ به‌ردی بناغه‌ی ئه‌و كۆمه‌ڵگه‌یه‌ دانراوه‌ و له‌ماوه‌ی یاسایی خۆیدا ته‌واویانكرد، هه‌ر له‌سه‌ره‌تاوە تاکو ته‌واوبوونی پڕۆژەکە به‌ كه‌لوپه‌له‌كانی ناویشییه‌وه‌، نزیكه‌ی 5 ملیۆن دۆلاری تێچووە".










باسنیوز