ئەندامێکی پەڕلەمانی خولی پێشووی عێراق سەر بە پارتی دیموکراتی کوردستان دەڵێ : رێککەوتنی پارتی و یەکێتی، دەستکەوتی زیاتر بۆ کوردستان مسۆگەر دەکات



ئەندام پەرلەمانەكە لە توێتێكیدا دەڵێ، رێککەوتنی حزبەکەی و یەکێتی، خاڵی گرنگی تێدایە و، دەستکەوتی زیاتر بۆ کوردستان مسۆگەر دەکات.



دكتۆر عەرەفات هەروەها دەڵێ : كاری گرنگی رێککەوتنەکە، پێکهێنانی کابینەی نوێی حکوومەتی هەرێمی کوردستانە، ”رێککەوتنەکە کاملە و هەمووی دەگرێتەوە“.


رۆژی دووشەممە 4-3-2019، شاندی باڵای مەکتەبی سیاسیی پارتی و یەکێتی لە هەولێر کۆبوونەوە و دواتر نێچیرڤان بارزانیی جێگری سەرۆکی پارتی و کۆسرەت رەسوڵی جێگری سکرتێری گشتیی یەکێتی، رێککەوتنی حزبەکانیان واژوو کرد.