سپێدەھیا ئەڤرۆ ل گەرەکا ئالەیی ل قەزا ئاکرێ ژ سەدەمەکێ نەدیار ئاگر بەربۆ مالا ھاولاتیەکێ ئاوارەیێ پارێزگەھا موسل و چار کەس بۆنە قوربانی.

شاھد حالەکێ نێزیک رودانی، راگەھاند: "مەدیت کو ئاگرێ ل دەرگەە و پەنجەرا دەردکەڤیت مە بزاڤ کرن ئاگری ڤەمرینن بەلێ ب مە نەھاتە کنترولکرن و مە تلفونا بەرەڤانیا باژێری کر و مە بزاڤ کرن ئەو کەسێن ل ژور مایە ئاسێ رزگار بکەین بەلێ ژبەر زوریا ئاگری نەشیایین".

کومیسەر فەواز سبحی ل بەرەڤانیا باژێری ل بنگەھێ گولان ل ئاکرێ گۆت: "ل گەرەکا ئالەیێ ئاگر بەربۆیە مالا ھاولاتیەکێ ئاوارەیێ پارێزگەھا موسل ب ناڤێ سدیق محەمەد فەرمانبەرە ل باژێرڤانیا ئاکرێ ،ھەڤژنیا وی بناڤێ ئەفراح ژیێ وێ 45 سال گیانێ خوە ژ دەستدا ل گەل جمکەکێ کورا کوژیێ وان 11 سالن گیانێ خوە ژ دەستداو کورەکێ دن یێ وێ خێزانێ رێژا 80% ھاتیە سوتن و ھاتیە رەوانەکرن بۆ پارێزگەھا دھوک".

گوتژی: "د رودانێ دا دایکێ و دوو کورا گیانێ خوە ژ دەستدا و کەسەک ژی ب گرانی بریندار بۆیە ، دیاربۆیە کو ژ سەدەمێ نەفت کریە سوپێ و ئاگر بۆیە مالێ و ئەڤ رودانە درروستکبۆیە".











باسنيوز