ئەندامێكی ئەنجوومەنی سەركردایەتی پارتی دیموكراتی كوردستان ئاشكرای دەكات، گفتوگۆكانیان لەگەڵ یەكێتیی نیشتمانیی كوردستان بەردەوام دەبێت و ئەوەشی هەبووە لە چەند ڕۆژی ڕابردوو نابێتە هۆكاری وەستانی گفتوگۆكان.
 
پشتیوان سادق ئەندامی ئەنجوومەنی سەركردایەتی پارتی دیموكراتی كوردستان لە كۆنگرەیەكی ڕۆژنامەوانیدا ڕای گەیاند، ئەوەی هەبوو لە كۆبوونەوەكانی 18ـی شوبات لە پەرلەمانی كوردستان، نابێتە هۆی وەستاندنی دانوستانەكان و گفتوگۆكانمان لەگەڵ یەكێتی.
 
ئەندامەكەی ئەنجوومەنی سەركردایەتی پارتی دیموكراتی كوردستان ئاشكرای كرد، ئومێدمان هەیە و گفتوگۆكانیش بەردەوام دەبێت و ئومێدیش هەیە سەرجەم كێشەكانیش چارەسەر دەبن لە نێوان لایەنە سیاسییەكان.
kdp-