جێگری سەرۆکی پەرلەمان پیرۆزبایی لە یەکێتیی لاوان و قوتابیانی کوردستان دەکات
بەبۆنەی 18ی شوبات رۆژی دامەزراندنی یەکێتی قوتابیان کورستان ویەکێتی لاوانی دیموکراتی کوردستان، گەرمترین و جوانترین پیرۆزباییتان ئاراستە دەکەین.
لای هەمووان روونە هەردوو رێکخراوەکەتان، کانگای پێگەیاندنی چەندین سەرکردە وجەباتگیڕ بوون بۆ میللەتەکەمان بۆ سەرجەم هێز و لایەنە سیاسییەکان و هەردەم لە پێشی پێشەوەی قوربانیدان و بەرگری و سەرفرازییەکان بوون.
وەک چۆن لە رابردوودا، پێشەنگ و سەرەڕمی خەبات و بەرخودان و پێگەیاندنی سەرکردە بوون، لە ئیستا و ئایندەشدا بەردەوام بن لە قوڵترکردنەوەی متمانە بە خۆبوونی گەنجانمان و ساز و ئامادەکردن و پەروەردکردنی زیاتری لاوانمان بۆ بەرگری کردن لەبەها نەتەوەیی و نیشتمانییەکان . شان بەشانی ریکخراوەکانی دیکە ، بە چالاکی زانستی و رۆشنبیری و قوڵترکردنەوەی بەهای بەرزی خۆشویستنی نیشتیمان و پیکەوە ژیان، ئومێد و بڕوای پتەو زیاتر لە ناخی قوتابیان و لاوانی کوردستان تۆکمەتر بکەن و،بۆ سەرکەوتنی زیاتر لە بوارەجیاجیاکاندا، پاڵپشت و هاوکاریان بن.
دووبارە پیرۆزبایی گەرمتان ئاراستە دەکەین و بێگومانین کە لە ئاستی چاوەڕوانیی دەبین بۆ پێگەیاندی نەوەیەکی کارا و چالاک
هەمیشە شاد و کامەران و سەرفرازبن
هێمن هەورامی جێگری سەرۆکی پەرلەمانی کوردستان
kdp-
