بەڕێوەبەری پۆلیسی ھەولێر ڕای دەگەیەنێت، ھێرشکەرەکەی سەر پزیشکەکەی نەخۆشخانەی فریاکەوتنی ڕۆژئاوا دەستگیر کراوە.

لیوای مافپەروەر عەبدولخالق تەڵعەت، بەڕێوەبەری پۆلیسی ھەولێر ڕايگەیاند: ”ئەمڕۆ سێشەممە 19/2/2019، لەلایەن ھێزەکانی ئاسایشی ھەولێرەوە، ئەو کەسەی ھێرشی کردە سەر پزیشکەکەی نەخۆشخانەی فریاکەوتنی ڕۆژئاوای ھەولێر، دەستگیر کراوە“.

بەڕێوەبەری پۆلیسی ھەولێر ئاماژەی بەوەش دا: ”لەلایەن ھێزەکانی ئاسایشەوە ئەو کەسە ڕادەستی پۆلیسی ھەولێر کراوە، ھێرشکەرەکە پیشەی پێشمەرگەیە و بە چەکی جۆری دەمانچە ھێرشی کردبووە سەر پزیشکەکە“.

ڕوونیشی کردەوە کە ئێستا پۆلیسی ھەولێر سەرقاڵی لێکۆڵینەوەن لەگەڵ ئەو کەسەدا و بە وردی کار لەسەر دۆسیەکە دەکەن.

بەپێی ڕاگەیاندراوێکی بەڕێوەبەرایەتبی گشتبی تەندروستبی ھەولێر، کە ڕۆژی شەممە 16/2/2019 بڵاو کراوەتەوە: "شەوی پێنجشەممە لەسەر ھەینیی ڕابردوو 14/2/2019، نەخۆشێک کە دوو ھاوەڵی لەگەڵ بوو، یەکێک لە ھاوەڵەکانی بەبێ ھیچ بیانوویەک چەکی دەمانچەی لە ڕووی ژمارەیەک لە پزیشک و کارمەندانی ئێشکگری پێشوازی دەرھێنا و ھەڕەشەی کوشتنی لێ کردن".











باسنيوز