بەرپرسی تیمی (5)ی ڕاماڵینی بەفر لە ناحیەی سیدەكانی سەر بە قەزای سۆران ئاشكرای کرد شەوی رابردوو تا ئەمڕۆ شەپۆلێكی بەفربارین دەڤەرەكەی گرتووەتەوە و زیاتر لە 20 سانتیمەتر باریوە و ئێرمش دەستمان كردووە بە پاکكردنەوەی رێگاكان.

ئەندازیار ئەیووب سەعید، بەرپرسی تیمی (5)ی راماڵینی بەفر لە سیدەكان، رايگەیاند، لە شەوی رابردووەوە تا ئەمڕۆ شەممە 16/2/2019 شەپۆلێكی بەفربارین سنووری شارۆچكەی سیدەكانی گرتووەتەوە و بەهۆیەوە ئاستەنگ لەبەردەم هاتوچۆی شۆفێران دروست بووە، بەتایبەتی لە هەندێك شوێنی رێگای سەرەكیی (سۆران- سیدەكان) واتە لە سەری بەردی نزیكەی (20) سانتیمەتر بەفر باریوە".

بەرپرسی تیمی (5)ی راماڵینی بەفر لە سیدەكان، گوتیشی، بەختەوەرانە توانیومانە رێگا سەرەكییەكان لە بەفر پاك بكەینەوە و هاتوچۆیان تێدا ئاسایی بووەتەوە، هەروەها تیمەكانمان بەردەوامن لە كردنەوەی ئەم رێگایانەی تا ئێستا نەكراونەتەوە.











باسنيوز