جێگری سەرۆکی ئەمریکا لە کۆتا کۆبوونەوەی کۆنگرەی وارسۆی تایبەت بە ئاسایش و ئاشتی لەخۆرھەڵاتی ناوەڕاست، ڕایگەیاند، دەستێوەردانی ئێران لەعێراق و سووریا و یەمەن، قەیرانی مرۆیی دروست کردووە.

مایک بینیس، جێگری سەرۆکی ئەمریکا، لە کۆنگرەی وارسۆ، ڕایگەیاند: "میلیشا چەکدارەکانی پاڵپشتکراو لەلایەن ئێرانەوە، بەردەوامن لەھێرشکردنە سەر ھێزە ئەمریکییەکان".

ڕوونیکردەوە، کە سەرکردەکانی خۆرھەڵاتی ناوەڕاست ڕێککەوتوون لەسەر ئەوەی ئێران گەورەترین مەترسییە لەسەر سەقامگیری ناوچەکە. داواشی لە ئەورووپییەکان کرد، لەگەڵ ویلایەتە یەکگرتووەکانی ئەمریکا و گەلی ئێران دژ بە مەترسییەکانی ڕژێمی ئێران لە تاران، ھاریکار بن.

ھەروەھا گوتیشی: "ڕژێمی ئێرانی ئاژاوەی لەناوچەکە دروست کردووە و گەلەکەی خۆی دەتۆقێنێت، ھەوڵیش دەدات ئیمپراتۆرییەتی فارس دروست بکاتەوە.












باسنيوز