ئەو گوندێن ل سنورێ ناحیا دینارتە ل ئاکرێ ھاتینە چۆلکرن ژ بەر بۆردوومانا فرۆکێن شەرکەرێن تورکیا و پرانیا وان ئاوارەیێ ناڤ گوندێن دەڤەرێ ببوون ژبەر مەترسیا بەردەواما فرۆکێن شەرکەرێن تورکیا، ھەتا نۆکە نەھاتینە ئاڤەدانکرنەڤە.

شەعبان خەلیل بەرواری، رێڤەبەرێ ناحیا دینارتە راگەھاند: "ل دەستپێکا مەھا ئێکا ئەڤسالە ھژمارەما گوندێن سنورێ ناحیا دینارتە ھاتنە چۆلکرن ژبەر بۆردوومانا فرۆکێن شەر کەر یێن تورکیا و ھەتانۆکە خەلکێ وان گوندا نەزڤرینەڤە سەر گوندێن خوە ژبەر مەترسیا بەردەواما بۆدوومانکرنێ".

گۆتژی: "ل سنورێ ناحیا دینارتە 12 گوند ھاتینە چۆلکرن کو پرانیا وان ب مەبەستا کارێن چاندنێ و ئاژەلداریێ لسەر گوندێن خوە مابوون، بەلێ ب بھانەیا ھەبوونا بنکەو بارەگەھێن پەکەکێ فرۆکێن شەر کەرێن تورکیا بەردەوام ئەو گوند و دەڤەر بۆردوومانکرن و نەچاربوون خەلکێ وان گوندان گوندێن خوە چۆل بکەن و ل گوندو دەڤەرێن دی ئاکنجی بن و ھەتا نۆکە ژی ھێشتا نەشیاینە بزڤرنەڤە".










باسنيوز