بەرپرسێكی حزبی ڕای دەگەیەنێت، بە بڕیارێكی ڕاکان جبووری، پارێزگاری سەپێندراوی كەركووك، دەیان خێزانی دیكەی عەرەبی هاوردە گەڕاوتەنەوە سنووری شارۆچكەی داقووقی سەر بە پارێزگای كەركووك.



ئەمڕۆ سێشەممە 12/2/2019، هیوا رەشید، بەرپرسی ناوچەی داقووقی پارتی، ڕاگەیاند: دەیانی خێزانی دیكەی عەرەبی هاوردە گەڕاونەتەوە كۆمەڵگەی نیشتەجێبوونی (ئەلبووحنێحن)، كە دەكەوێتە نێوان گوندی (مەنسوور) و (فەریق‌ئاوای) ناوچەی حەفتەغاری كوردنشین".



گوتیشی: "ئەو عەرەبانە لە چوارچێوەی پرۆسەی بە عەرەبكردنەوەی ناوچەكەدا گەڕاونەتەوە سنوورەكە و بە بڕیارێكی پارێزگاری سەپێندراوی كەركووك گەڕاوەنەتەوە و ئێستاش بەنیازن زەوی كشتوكاڵی جووتیارانی كوردیش داگیر بكەن و لەلایەن قایمقامی و پۆلیسی داقووقیشەوە هیچ رێگرییان لێ ناكرێت".



لە 16ی ئۆكتۆبەری 2017 میلیشیاكانی حەشدی شەعبی داقووقیان بە ڕێككەوتن لەگەڵ گرووپێكی خیانەتكار داگیر كرد و لەو كاتەوە جگە لەوی دۆخی ئەمنی ناوچەكە نالەبارە پرۆسەی بەعەرەبكردنەوەش لە سنوورەكە دەستی پێ كردووەتەوە.




باسنیوز