سەرچاوەیەک لە وەزارەتی دارایی و ئابووریی حکوومەتی هەرێمی کوردستان زانیاریی لەبارەی دابەشکردنی مووچەی مانگی١١ی ساڵی ٢٠١٨ی بەشێک لە فەرمانبەران ئاشکرا دەکات.



سەرچاوەکە ڕاگەیاند کە ڕۆژی سێشەممە(١٢-٢-٢٠١٩) مووچەی وەزارەتی کاروباری شەهیدان و ئەنفالکراوان و کەسوکاری شەهیدان و زیندانییە سیاسییەکان و ئەنجوومەنی دادوەری دابەش دەکرێت.



ئاماژەی بۆ ئەوەش کرد کە ڕۆژی چوارشەممە (١٣-٢-٢٠١٩) مووچەی مانگی ١١ی ساڵی ڕابردووی وەزارەتی خوێندنی باڵا و توێژینەوەی زانستی دابەش دەکرێت.



ڕۆژی ٥ی ئەم مانگە وەزارەتی دارایی دەستی بە دابەشکردنی مووچەی مانگی ١١ی ساڵی ٢٠١٨ی فەرمانبەرانی هەرێمی کوردستان کرد.



باسنیوز