به‌هۆی بارانی به‌خوڕ و لافاوی ئه‌مساڵ، مه‌ترسی رووخان له‌سه‌ر پردی خڕی قەڵاتۆبزان هه‌یه‌، كه‌ دەکەوێتە نزیک گوندی ئاوەخێری سەر رێگای گشتی کەلار - دەربەندیخان.

پۆلیسی هاتووچۆی ئیدارەی گەرمیان، رایگه‌یاند، به‌هۆی به‌رده‌وامبوونی باران و لافاوی ئه‌مساڵ، رۆژ به‌ رۆژ مه‌ترسی له‌سه‌ر پرده‌كه‌ زیاتر ده‌بێت.

دووپاتیشی ده‌كاته‌وه‌، پێدەچێت لەداهاتوودا کێشە هاتووچۆ بۆ هاووڵاتیانی گەرمیان دروست بکات.

وه‌ك له‌ وێنه‌كانیش ده‌رده‌كه‌وێت، بناغه‌ی راگر و ستوونه‌ كۆنكریتییه‌كان، به‌هۆی بارانه‌وه‌ زیانییان به‌ركه‌وتووه‌، ئه‌وه‌ش وا ده‌كات ژێر بۆشایی له‌ ژێر راگره‌كانی درووست بێت.
k24-